مرتضى منصور: ربنا كرمنا بالفوز على الاهلي بسبب بائع التين الشوكي
هنئ مرتضى منصور رئيس نادي الزمالك، جماهير النادي الأبيض عقب الفوز الكبير الذي حققه الزمالك على غريمه التقليدي الأهلي بثلاثة أهداف مقابل هدف.
وقال مرتضى منصور عبر تصريحات لقناة نادي الزمالك: “أحمدوا ربنا أن الاتوبيس موصلش في ماتش الدور الأول، لان العيال الصغيرة كانت هتكسب، هو مش أسامة فيصل ده كان منهم ومصطفى محمد بردو، هما اللي جايبين النهاردة جونين من 3 أجوال”.
وتابع: “أنا جاي أسعد الأعضاء بالمنشآت والجماهير بالبطولات”.
وأضاف: ” أنا عندي في الزمالك بدل الفريق أتنين، وميقلش فريق منهم عن التاني”.
وأردف: “أمير مرتضى خلى سيد عبدالحفيظ عمال يلف حوالين نفسه في الماتش، وليد سليمان خلص على 3 لاعيبة وعبدالشافي الرابع، ولازم يتحاسب من اتحاد الكرة”.
وأتم: “يمكن ربنا كرمنا عشان الراجل الغلبان بتاع التين الشوكي اللي عوضناه”.
إقرأ أيضاً