سعفان الصغير: لو عواد كان رجع الإسماعيلي كنت هقعد في البيت
تحدث سعفان الصغير مدرب حراس فريق الكرة الأول بالنادي الإسماعيلي في لقاء خاص ، وقد صرح سعفان الصغير التصريحات الآتية .
قال سعفان الصغير “بقول للحراس اللي معايا لو دخل فيك جول من نص الملعب ومتقصدش هسامحك، إنما لو حسيت انك بتتعالى على الكورة هقعدك” .
وتابع “قالولي أن عواد رايح الزمالك وهيتباع بـ80 مليون جنية والنادي هيقع قولتلهم لأ وانا مش عايزه، عواد قالي انا مش عايز العب مع اللعيبة دى يا كابتن قولتله هو انت جاى من ريال مدريد، انت جاي من الوحدة السعودي وأنا مش عايزك ياعواد، وأبلغت مسئولي الإسماعيلي لو عواد رجع انا هقعد فى البيت مش هشتغل” .
وأسرد الصغير “كان نفسي امسك مدير كورة لمدة شهر كنت عرفتهم يعنى اية النادي الإسماعيلي” .
“كلمت حارس مرمى قالي انا عايز 6 مليون جنية في السنة ، قولتله 6 مليون لية هتصد كل صدة بـ500 الف لا مش عايزك” .
“انا إسمعلاوي متعصب واتولدت في بيئة وعيلة كلها إسمعلاوية، كان حلم كبير ليا اني العب للإسماعيلي وأكون قائد الفريق في يوم من الأيام” .
“الإسماعيلي فريق أقاليم وصعب تلاقي ممثل من الإسماعيلي في جهاز المنتخب لازم أحمر او أبيض، احنا بعاد اوي عنكم” .
واختتم الصغير حديثه “عواد منضمش لكأس العالم وهو في الإسماعيلي وكان احسن حارس فى مصر وكل الناس يشهدوا بكدا ، الشناوي لما كان فى بتروجيت مارحش المنتخب ، أول ما أنضم للأهلي اخدوه المنتخب” .