رسالة مؤثرة من سعد سمير لشريف إكرامي
قرر النادي الأهلي منذ بضعة أيام الموافقة على قرار شريف اكرامي حارس مرمى الفريق الأول لكرة القدم، بالخروج من صفوف النادي بداية من الموسم المقبل مع نهاية عقده.
وكانت تقارير صحفية قد أكدت أن شريف إكرامي وقع عقود انتقاله إلى نادي بيراميدز لينضم إلى صفوف الفريق بداية من الموسم المقبل.
وكتب سعد سمير رسالة إلى شريف إكرامي، عبر حسابه الشخصي على فيسبوك، “علي مدار ١١ عام تزاملت معك في الفريق الأول في النادي الأهلي لم أري منك الا كل حب وخير وإخلاص للنادي ولزملائك دايما ليك نظرة مختلفة للأمور ودايما كنت من الناس القريبة مني بشكل شخصي استفدنا منك كتير ورجعنالك في حاجات كتير وكنت دايما خير داعم وخير صديق .. تاريخ وموقف طويلة ونجاحات كتير مرينا بيها وبرضو مواقف صعبة كتيرة لكن دايما كنت شخصية مسئولة ومواجه لكل المواقف .. اكيد عارف مدي حبنا ليك واحترامنا في نفس الوقت لكن كلنا عارفين انك مش بتاخد قرار الا لما بتكون مفكر فيه كويس اوي وبعناية شديدة … هتوحشنا جدا وهنخسر ضلع مهم من ضلوع الفرقة الكبار والقدام الي دايما من الناس الي كانت بترسخ مفاهيم وثوابت اتربو عليها وانتقلت لأجيال كتير لكن كل التوفيق والاحترام لواحد من اهم اللاعيبة والعقليات والكوادر في الفترة القادمة”.