أمير مرتضى: فيريرا كان اختيارنا الأول.. والجماهير ليست من حقها اختيار المدرب

أكد أمير مرتضى المشرف العام على فريق الكرة الأول بنادي الزمالك، أن الاسم الأول الذي تم وضعه من جانب مسئولي القلعة البيضاء، لتولي تدريب الفريق الأول لكرة القدم بالنادي الأبيض، كان البرتغالي جيسفالدو فيريرا المدير الفني السابق للفريق.

وقال نجل رئيس الزمالك خلال تصريحات تليفزيونية: “أول اسم مدرب كنا مختارينه هو فيريرا، بس المساعدين بتوعه خلاص بقوا يشتغلوا لوحدهم، وهياخد وقت عشان يجمع جهاز جديد، حاولنا نقنعه وعشان هو راجل محترم رد علينا بشكل مبهر، وقالي خدت الدوري والكأس عشان الأهلي كان ضعيف والدوري وقف بعد واقعة الدفاع الجوي وده خلاني أخد وقتي مع الفريق”.

وتابع: “فيريرا قالي أنه استلم الفريق من راجل محترم اسمه باتشيكو، وده شيء مش متوفر دلوقتي”.

 

وأضاف المسئول عن ملف الكرة في الزمالك: “الجماهير من حقها تخاف على الفرقة، بس مش لدرجة يعملوا هاشتاج عشان نجيب مدرب”.

 

وعن الصفقات التي تم التعاقد معها دون التعاقد مع مدرب جديد، قال أمير مرتضى: “مفيش نادي في العالم بيختار لاعيبة بناء على طلب مدرب، كان بيحصل الكلام ده في الأرسنال ومانشستر يونايتد قبل كدة عشان فينجر وفيرجسون، والمدرسة دي انتهت”.

 

ولم يلعن مسئولو الزمالك بعد عن اسم المدير الفني الجديد، بعد أن تراجع مرتضى منصور رئيس النادي الأبيض عن تصريحاته السابقة، بخصوص الاستقرار على تعيين الصربي ألكسندر ستانوفيتش، كمدرباً للفريق الأول.